Hopp, hopp, hopp!
Nu hebbt wi all Februar. Un veele denkt an de föfte Johrstiet. Kümmt nu noch Snee un Küll? In Hamborg is dat to warm seggt de Fachlüüd. De Sneekieker sünd all buten. De Geus treckt vun’n Osten no’n Süden. Un de Piepmätze in’n Goorn singt luuthals.
Ik bün ok dörchenanner. Mutt ik nu Fröhjohrsputz moken? Allens in de Sünn, waschen, kloppen? Heff kaputte Fingernogels ober … find villicht den tweeten Ringelsocken? Ik bläder lever in’n Klenner vun 2019, un lot nochmol allens an mi vörbi lopen. Man, wo oft weern mien Fründin un ik in’t Theoter. Mennigmool heff ik ok in’n Klenner schreben, wat wi eeten hebbt. Süh, nu heff ik glieks de Menuevörsläg för 2020.
Un in Schwerin weern wi, un Fontane hebbt wi besöcht un in Budweis hebbt wi to Wiehnacht Beer drunken. Un en ganz großartige Wiehnachtskrippe hebbt wi in HRADECK beleevt. De Strumpfmachermeister Kryza hett in 60 Johren dat Wunnerwark to stannen bröcht. 1398 Menschen, davon 133 bewegliche Figuren. Dat weer wat för de Bröder Braun vun de Modelliesenbohn. Ach, un noch veele, veele annere scheune Soken. Allens an Kummer un Sorgen schuuvt wi eenfach bisiet.
So warr ik dat ok mit de Vörhersagen för 2020 moken: Velorouten, Klimawandel, in jeedeen Stadtdeel 800 – 1000 niege Wohnungen.
Ik köff mi lever nu twee Rundstücke mit’n Bon to’n wegsmieten un to eeten gifft dat Frikadellen mit Salat. Un: Rosen, Tulpen und Narzissen … DAT – kümmt nu inne Wohnstuuv.
Silke Frakstein